Home NATIONAL ఈ దేశంలో నడిచే హక్కు కూడా లేదా: రాహుల్ గాంధీ

ఈ దేశంలో నడిచే హక్కు కూడా లేదా: రాహుల్ గాంధీ

15
0
ఈ దేశంలో నడిచే హక్కు కూడా లేదా: రాహుల్ గాంధీ
ఈ దేశంలో నడిచే హక్కు కూడా లేదా: రాహుల్ గాంధీ

 దేశంలో తనకు నడిచే హక్కు కూడా లేదా అని కాంగ్రెస్ నేత రాహుల్ గాంధీ ప్రశ్నించారు. వీహెచ్‌పీ, ఆర్‌ఎస్‌ఎస్ నేతలు మాత్రమే నడిచే హక్కు ఉందా అంటూ విమర్శలు కురిపించారు. హాథ్రాస్ బాధితురాలి కుటుంబాన్ని పరామర్శించడానికి బయల్దేరిన రాహుల్ గాంధీ, ప్రియాంక గాంధీని యూపీ పోలీసులు మధ్యలోనే అడ్డుకున్నారు. ఈ సందర్భంగా పోలీసులకు కాంగ్రెస్ కార్యకర్తలకు మధ్య ఘర్షణ చోటు చేసుకుంది.

హాథ్రాస్ బాధితురాలి కుటుంబసభ్యులను పరామర్శించడానికి రాహుల్ గాంధీ, ప్రియాంక గాంధీ గురువారం (అక్టోబర్ 1) మధ్యాహ్నం ఢిల్లీ నుంచి కారులో బయలుదేరారు. గ్రేటర్ నోయిడా వద్ద వాహనాలను ఆపి, అనుచరులతో కలిసి నడక మార్గాన హాథ్రాస్‌కు బయల్దేరారు. యమునా ఎక్స్‌ప్రెస్ వద్ద పోలీసులు వారిని అడ్డుకొని అదుపులోకి తీసుకున్నారు.

ఏ చట్టం ప్రకారం తమను అరెస్టు చేస్తున్నారో చెప్పాలని రాహుల్ గాంధీ డిమాండ్ చేశారు. తాను 144 సెక్షన్‌ను ఉల్లంఘించలేదన్నారు. పోలీసుల తీరుపై రాహుల్ ఆగ్రహం వ్యక్తం చేశారు. రాహుల్, ప్రియాంకతో పాటు పలువురు నేతలను పోలీసులు అదుపులోకి తీసుకున్నారు.

ఉత్తర్ ప్రదేశ్‌లో యోగి ఆదిత్యనాథ్ పాలనలో మహిళలపై అఘాయిత్యాలు పెరుగుతున్నాయని ప్రియాంక గాంధీ మండిపడ్డారు. హాథ్రాస్ ఘటనలో దోషులను కఠినంగా శిక్షించాలని డిమాండ్ చేశారు.

దేశ రాజధాని ఢిల్లీకి 200 కి.మీ. దూరంలోని హాథ్రాస్ గ్రామానికి చెందిన 19 ఏళ్ల దళిత యువతిని నలుగురు వ్యక్తులు అపహరించి అఘాయిత్యం చేశారు. ఆమెను తీవ్రంగా హింసించారు. నాలుక కోసేశారు. సెప్టెంబర్ 14న ఈ ఘటన జరిగింది. నాటి నుంచి 15 రోజుల పాటు హాస్పిటల్‌లో ప్రాణాలతో పోరాడిన బాధితురాలు మంగళవారం (సెప్టెంబర్ 29) ఉదయం మృతి చెందింది. బాధితురాలి అవయవాలు బాగా దెబ్బతిన్నాయని వైద్యులు తెలిపారు. ఆమె వెన్నెముక విరిగిపోయిందని.. పక్షవాతం బారిన పడిందని వెల్లడించారు.

ఘటనపై దేశవ్యాప్తంగా ఆగ్రహజ్వాలలు పెల్లుబుకుతున్నాయి. పోలీసుల తీరుపై విమర్శలు వ్యక్తమవతున్నాయి. బాధితురాలిపై అత్యాచారం జరిగినట్లు వైద్యులు నివేదిక ఇవ్వలేదని పోలీసులు చెబుతున్నారు. మంగళవారం అర్ధరాత్రి తర్వాత 2 గంటలకు పోలీసులు బాధితురాలి మృతదేహానికి అంత్యక్రియలు నిర్వహించడం వివాదాస్పదం అవుతోంది.

LEAVE A REPLY

Please enter your comment!
Please enter your name here