Home WORLD నవంబరు 25లోపు టీకా కష్టమే.. ట్రంప్ ఆశలపై నీళ్లుచల్లిన మోడెర్నా!

నవంబరు 25లోపు టీకా కష్టమే.. ట్రంప్ ఆశలపై నీళ్లుచల్లిన మోడెర్నా!

14
0

కరోనా వైరస్‌‌కు మోడెర్నా ఫార్మ అభివృద్ధి చేసిన వ్యాక్సిన్ సమర్ధంగా పనిచేస్తున్నట్టు తొలి దశ ఫలితాల్లో వెల్లడయ్యింది. అయితే, టీకాను ఎన్నికల ముందే అందుబాటులోకి తీసుకొచ్చేందుకు ట్రంప్ యంత్రాంగం ప్రయత్నిస్తోంది. నవంబరు 3లోపు టీకాను అందుబాటులోకి తీసుకొస్తామని ట్రంప్ పలుసార్లు ప్రకటించారు. అయితే, ట్రంప్ ఆశలపై మోడెర్నా నీళ్లుజల్లింది. నవంబరు 25లోపు వ్యాక్సిన్ అత్యవసర వినియోగం కింద అనుమతి తీసుకోబోమని ఫైనాన్సియల్ టైమ్స్‌‌తో మాట్లాడుతూ.. మోడెర్నా సీఈఓ స్టీఫెన్ బన్సాల్ అన్నారు.

టీకా భద్రతకు సంబంధించి ఫుడ్ అండ్ డ్రగ్ అడ్మినిస్ట్రేషన్ (ఎఫ్‌డీఏ)కి పంపే పూర్తి సమాచారం ఈయూఏ ఫైల్‌ నవంబరు 25 నాటికి సిద్ధంగా ఉంటుంది.. అప్పుడే ఇది సురక్షితమని భావించాలి’ అని వ్యాఖ్యానించారు. మోడెర్నా సీఈఓ ప్రకటనతో టీకా రెగ్యులేటరీ విధానాల్లో రాజకీయ కారణాలతో ట్రంప్ యంత్రాంగం జోక్యం చేసుకుంటుందన్న నిపుణుల వాదనకు బలం చేకూరింది.

మోడెర్నా సహా మరో 11 సంస్థల వ్యాక్సిన్లు చివరి దశ క్లినికల్ ట్రయల్స్‌కు చేరుకున్నాయి. కాగా, అక్టోబరు నాటికి తమ వ్యాక్సిన్ గురించి స్పష్టమైన సమాచారం వెల్లడవుతుందని ఫైజర్ సీఈఓ అల్బెర్ట్ బౌర్లా అన్నారు. అయితే, ప్రస్తుతం జరుగుతున్న ప్రయోగాలు, ట్రయల్స్ వ్యాక్సిన్ భద్రత, సమర్ధతను నిర్ధారించడానికి సరిపోవని చాలా మంది నిపుణులు భావిస్తున్నారు.

డొనాల్డ్ ట్రంప్‌కు అనుకూలంగా వ్యవహరిస్తున్నట్టు తమపై జరుగుతోన్న ప్రచారాన్ని బౌర్లా ఖండించారు. ‘నాకు, పోలింగ్ రోజు ఒక కృత్రిమైన రోజు. అక్టోబర్ ముగింపు ఒక కృత్రిమ రోజు. ఈ విధంగా మేము పనిచేస్తాం. టీకాను మేము ముందుగా తీసుకురాగలిగితే చేస్తాం’ అని అన్నారు. నేషనల్‌ ఇన్‌స్టిట్యూట్‌ ఆఫ్‌ అలెర్జీ, ఇన్ఫెక్షన్‌ డిసీజెస్‌‌తో కలిసి మోడెర్నా అభివృద్ధి చేసిన ఈ టీకా వృద్ధుల్లోనూ రోగనిరోధక శక్తి పెంచుతున్నట్లు పరిశోధనలో తేలింది. 55 ఏళ్లు దాటిన వ్యక్తులపై సమర్ధంగా పనిచేస్తునట్టు పరిశోధకులు తెలిపారు.

LEAVE A REPLY

Please enter your comment!
Please enter your name here