IPL 2020: వికెట్లని కాలితో తన్నిన డికాక్.. చూస్తుండిపోయిన అంపైర్
IPL 2020: వికెట్లని కాలితో తన్నిన డికాక్.. చూస్తుండిపోయిన అంపైర్

ఐపీఎల్ 2020 సీజన్‌లో పేలవ ప్రదర్శనతో నిరాశపరుస్తున్న ముంబయి ఇండియన్స్ ఓపెనర్ డికాక్ మైదానంలో అనుచిత ప్రవర్తనతో విమర్శలు ఎదుర్కొంటున్నాడు. తాజా సీజన్‌లో 4 మ్యాచ్‌లాడిన డికాక్ 12 సగటుతో 48 పరుగులు మాత్రమే చేసినప్పటికీ.. వికెట్ కీపింగ్‌లో మాత్రం అదరగొట్టేస్తున్నాడు. కింగ్స్ ఎలెవన్ పంజాబ్‌తో గురువారం రాత్రి జరిగిన మ్యాచ్‌లో ముంబయి ఇండియన్స్ జట్టు 48 పరుగుల తేడాతో గెలుపొందగా.. ఆ ఆనందంలో డికాక్ మైదానంలో హద్దులు దాటి ప్రవర్తించాడు.

మ్యాచ్‌లో రోహిత్ శర్మతో కలిసి ముంబయి ఇండియన్స్ ఇన్నింగ్స్ ప్రారంభించిన డికాక్.. తొలి ఓవర్‌లోనే ఐదు బంతులాడి కాట్రెల్ బౌలింగ్‌లో డకౌట్‌గా వెనుదిరిగాడు. అయినప్పటికీ.. రోహిత్ శర్మ (70), కీరన్ పొలార్డ్ (47 నాటౌట్), హార్దిక్ పాండ్య (30 నాటౌట్) దూకుడుగా ఆడటంతో ముంబయి టీమ్ 4 వికెట్ల నష్టానికి 191 పరుగులు చేసింది. అనంతరం ఛేదనకి దిగిన పంజాబ్ జట్టు వరుసగా వికెట్లు చేజార్చుకుని 143/8కి పరిమితమైంది.

మ్యాచ్ ముగిసిన తర్వాత మైదానం వీడే సమయంలో కీపర్ ఎండ్‌వైపు ఉన్న వికెట్లని డికాక్ ఉద్దేశపూర్వకంగా కాలితో తన్నడం కనిపించింది. వాస్తవానికి ఓ అంతర్జాతీయ క్రికెటర్ ఈ తరహాలో మైదానంలో పిల్ల చేష్టలకి పాల్పడడం అందర్నీ ఆశ్చర్యపరిచింది. డికాక్ అనూహ్య ప్రవర్తన‌ని అతని సహచరుడు ట్రెంట్ బౌల్ట్ షాకింగ్‌గా చూడగా.. ఫీల్డ్ అంపైర్ ఎస్. రవి కూడా మౌనంగా అలానే చూస్తుండిపోయాడు. గతంలో టీమ్స్ ఘన విజయాల్ని అందుకున్నప్పుడు క్రికెటర్లు స్టంప్‌లను చేతుల్లోకి తీసుకుని సంబరాలు చేసుకునేవారు. కానీ.. ఇప్పుడు ఎల్ఈడీ స్టంప్స్ కావడంతో వాటిని ప్లేయర్స్‌ని తీసుకునేందుకు అంపైర్లు అనుమతించడం లేదు.

 

LEAVE A REPLY

Please enter your comment!
Please enter your name here