కూతురు చేసిన పనికి వీధిలో తల ఎత్తుకోలేకపోయాం. వారిద్దరి ప్రేమ వ్యవహారం తెలిసే అవంతిని ఇంట్లోనే బందించామన్నారు లక్ష్మారెడ్డి. కానీ.. అవంతి తప్పించుకొని వెళ్లిపోయింది. హేమంత్‌ను పెళ్లి చేసుకోవడంతో మా పరువు పోయింది.
తెలుగు రాష్ట్రాల్లో సంచలనం సృష్టించిన హేమంత్‌ పరువు హత్య కేసు విచారణ కొనసాగుతోది. నిందితులను కస్టడీకి తీసుకున్న పోలీసులు అన్ని కోణాల్లో విచారిస్తున్నారు. ప్రధాన నిందితులైన అవంతి తండ్రి లక్ష్మారెడ్డి, మేనమామ యుగంధర్‌రెడ్డిలను చర్లపల్లి జైలు నుంచి గచ్చిబౌలి పోలీసులు కస్టడీలోకి తీసుకున్నారు. ఆరు రోజుల పాటు వీరిద్దరిని కస్టడీకి తీసుకున్న పోలీసులు తొలిరోజే విచారణను ముమ్మరం చేశారు. మొదటి రోజు కస్టడీలో లక్ష్మారెడ్డి పలు సంచనల విషయాలు చెప్పినట్లు తెలుస్తోంది.

అవంతి ప్రేమ విషయం తెలిసి ఇంట్లో కట్టడి చేశామని. తప్పించుకొని వెళ్లి వివాహం చేసుకుందని అవంతి తండ్రి లక్ష్మారెడ్డి పోలీసులకు తెలిపారు. పోలీసుల ద్వారా విషయం తెలిసిందని.. ప్రాణం కంటే పరువే ముఖ్యమని భావించే కుటుంబం మాదన్నాడు. కాలనీలో తలెత్తుకొని తిరగలేక పోయామని అందుకే హేమంత్‌ను హత్య చేయాల్సి వచ్చిందని చెప్పినట్లు తెలిసింది.అయితే హేమంత్‌ను కిడ్నాప్ చేసి హత్యచేసిన ప్రాంతాల్లో నిందితులతో పోలీసులు మరోసారి సీన్‌ రీకన్‌స్ట్రక్షన్‌ చేయనున్నారు. అవంతి పేరిట ఉన్న ఆస్తులను తిరిగి తండ్రికి రాసిచ్చినప్పటికీ ఎందుకు హత్య చేశారనే విషయమై ఆరా తీస్తున్నారు పోలీసులు.
మరోవైపు అవంతి, హేమంత్ కుటుంబ సభ్యులు బుధవారం సీపీ సజ్జనార్‌ను కలిశారు. తమ సభ్యులు బుధవారం సీపీ సజ్జనార్‌ను కలిశారు. తమ కుటుంబానికి ప్రాణహాని ఉందని తమకు రక్షణ కల్పించాలని కోరారు. నిందితులకు కూడా కఠిన శిక్ష విధించేలా చర్యలు తీసుకోవాలని సీపీకి వినతి పత్రం అందించారు. దీనిపై సానుకూలగా స్పందించిన సీపీ వెంటనే హేమంత్ ఇంటి వద్ద24 గంటల పోలీస్ భద్రత ఏర్పాటు చేయాలని ఆదేశించారు. అంతేకాకుండా ఫాస్ట్ ట్రాక్ కోర్టు ఏర్పాటు చేసి నిందితులకు వీలైనంత త్వరగా శిక్ష పడేలా చేస్తామని హామీ ఇచ్చారు.

 

LEAVE A REPLY

Please enter your comment!
Please enter your name here