Sai Dharam Tej: చిరంజీవి వద్ద సాయి ధరమ్ తేజ్ పెళ్లి ప్రస్తావన.. మెగా ప్లాన్ రెడీ!! ముహూర్తం ఫిక్స్
Sai Dharam Tej: చిరంజీవి వద్ద సాయి ధరమ్ తేజ్ పెళ్లి ప్రస్తావన.. మెగా ప్లాన్ రెడీ!! ముహూర్తం ఫిక్స్

వరుసపెట్టి టాలీవుడ్ బ్యాచిలర్ హీరోలు పెళ్లి పీటలెక్కేస్తున్నారు. లాక్‌డౌన్ కారణంగా గత ఆరు నెలలుగా ఇంటికే పరిమితమైన హీరోలు తమ తమ లైఫ్ పార్ట్‌నర్స్‌ని వెతుక్కునే పనిలో ఉన్నారు. దీంతో టాలీవుడ్‌లో పెళ్లి బాజాలు మోగుతున్నాయి. మోస్ట్ ఎలిజిబుల్ బ్యాచ్‌లర్ లిస్ట్‌లో ఉన్న హీరోలంతా ఒక్కొక్కరుగా ఆ గ్రూప్ నుంచి బయటపడుతున్నారు. ఇప్పటికే నిఖిల్, నితిన్, రానా పెళ్లి బంధంతో ఓ ఇంటివాళ్లుగా మారగా.. ఇక మెగా మేనల్లుడు సాయి ధరమ్ తేజ్ బ్యాచ్‌లర్ లైఫ్‌కు ఎండ్ కార్డ్ వేసేందుకు సిద్ధమయ్యారట. ఈ మేరకు సీక్రెట్‌గా పెళ్లి పనులు చేస్తున్నారని టాక్.

మెగా కాంపౌండ్ నుంచి ఇప్పటికే నిహారిక పెళ్లి ఫిక్స్ చేసి నిశ్చితార్థం కూడా కంప్లీట్ చేశారు నాగబాబు. వచ్చే ఏడాది జరగనున్న ఈ మెగా డాటర్ పెళ్లికి పెద్దగా చిరంజీవి అన్నీ దగ్గరుండి చూసుకోబోతున్నారట. ఈ క్రమంలో తాజాగా మెగా ఇంట్లో మరో పెళ్లికి కూడా ముహూర్తం ఫిక్స్ అయినట్టు తెలుస్తుండటం ఆసక్తి రేకెత్తిస్తోంది. గత కొంతకాలంగా ఓ వైపు పెళ్లి వార్తల్లో నిలుస్తూనే మరోవైపు ‘సోలో బ్రతుకే సో బెటర్’ అని చెబుతున్న సాయి ధరమ్ తేజ్.. తాజాగా తన పెళ్లికి గ్రీన్ సిగ్నల్ ఇచ్చేశారని మెగా సన్నిహిత వర్గాలు పేర్కొంటున్నాయి.

పెళ్లిళ్ల విషయంలో మెగా ఫ్యామిలీ రూటే సపరేటు అనే టాక్ జనాల్లో ఉంది. మూడు పదుల వయసు దాటే లోపే మెగా హీరోలు పెళ్లి పీటలెక్కస్తారని అంటుంటారు. ఇప్పటికే రామ్ చరణ్, అల్లు అర్జున్ వంటి వారు సరైన సమయంలో పెళ్లి చేసుకున్నారు. 30 ఏళ్ళ లోపే పెళ్లి సంబరాల్లో ఎంజాయ్ చేశారు. ఈ అంశాన్నే సీరియస్‌గా తీసుకున్న సాయి ధరమ్ తేజ్ తల్లి 33 ఏళ్ళ సాయి ధరమ్ తేజ్ పెళ్లిపై పూర్తి ఫోకస్ పెట్టి ఓ బడా ఫ్యామిలీ అమ్మాయిని వెతికిందట.

ఆ అమ్మాయిని చూసిన సాయి ధరమ్ తేజ్ వెంటనే ఓకే చెప్పేయడంతో ఈ సంబంధం గురించి చిరంజీవికి వివరించారట. ఆయన కూడా మేనల్లుడి పెళ్లికి గ్రీన్ సిగ్నల్ ఇస్తూ ఆ సంబంధాన్ని ఓకే చేసి తానే దగ్గరుండి పెళ్లి పనులు చూసుకుంటా అని మాటిచ్చారట. ఈ మేరకు వచ్చే ఏడాది వేసవిలో తన అల్లుడి పెళ్లి కోసం మెగాస్టార్ ఓ డేట్ కూడా ఫిక్స్ చేశారని టాక్ నడుస్తోంది. చూడాలి మరి ఇలాంటి వార్తలపై సాయి ధరమ్ తేజ్ ఎలా రియాక్ట్ అవుతారనేది.

LEAVE A REPLY

Please enter your comment!
Please enter your name here