AP Politics: టీడీపీకి మరో షాక్.. కమలం గూటికి మాజీ కేంద్ర మంత్రి?
AP Politics: టీడీపీకి మరో షాక్.. కమలం గూటికి మాజీ కేంద్ర మంత్రి?

కేంద్ర మాజీ మంత్రి పనబాక లక్ష్మి అతి త్వరలో పార్టీ మారనున్నారా? సైకిల్ దిగి త్వరలో కాషాయ కండువా కప్పుకోనున్నారా? ఈ ప్రశ్నలకు సమాధానం ఔను అనే తెలుస్తోంది. గతంలో నెల్లూరు నుంచి రెండు సార్లు, బాపట్ల నుంచి ఒక సారి ఆమె 3 సార్లు ఎంపీగా ఎన్నికయ్యారు. యూపీఏ హయాంలో 10 సంవత్సరాలు కేంద్ర మంత్రి గా పనిచేశారు. కేంద్ర ఆరోగ్య, కుటుంబ సంక్షేమ ,జౌళి తదితర మంత్రిత్వ శాఖలను ఆమె నిర్వర్తించారు. ఇలా కాంగ్రెస్ హయాంలో ఓ వెలుగు వెలిగిన పనబాక లక్ష్మి మారిన రాజకీయ పరిస్థితుల నేపథ్యంలో 2019లో టీడీపీలో చేరి తిరుపతి నుంచి ఎంపీగా పోటీ చేసి ఓటమి పాలయ్యారు. అనంతరం కొంత కాలంగా సైలెంట్ గా ఉంటున్నారు. అయితే ఆమె మళ్లీ రాజకీయాల్లో క్రియాశీలకంగా మారాలని భావిస్తున్నట్లు సమాచారం. ఈ నేపథ్యంలో రేపు(అక్టోబర్ 6) ఆమె జన్మదినం సందర్భంగా భారీగా వేడుకలను నిర్వహించేందుకు ఆమె అభిమానుల ఆధ్వర్యంలో ఏర్పాట్లు సాగుతున్నాయి. ఈ వేడుకల్లోనే ఆమె పార్టీ మార్పునకు సంబంధించిన ప్రకటన ఉండొచ్చన్న ఊహాగానాలు జోరుగా వినిపిస్తున్నాయి. ఆమె బీజేపీలో చేరి తిరుపతి ఎంపీ స్థానానికి త్వరలో జరగనున్న ఉప ఎన్నికల్లో ఆమె పోటీ చేసే అవకాశమున్నట్లు తెలుస్తోంది.

LEAVE A REPLY

Please enter your comment!
Please enter your name here