ఈరోజే రియల్ మీ 7 సేల్.. రూ.15 వేల ధరలోనే సూపర్ ఫీచర్లు!
ఈరోజే రియల్ మీ 7 సేల్.. రూ.15 వేల ధరలోనే సూపర్ ఫీచర్లు!

ప్రముఖ స్మార్ట్ ఫోన్ బ్రాండ్ రియల్ మీ ఈ మధ్యే మనదేశంలో రియల్ మీ 7 స్మార్ట్ ఫోన్‌ను లాంచ్ చేసిన సంగతి తెలిసిందే. దీని సేల్‌ మనదేశంలో ఈరోజు(అక్టోబర్ 8వ తేదీ) జరగనుంది. మధ్యాహ్నం 12 గంటలకు ఫ్లిప్ కార్ట్‌, రియల్ మీ వెబ్ సైట్లలో ఈ ఫోన్ అందుబాటులో ఉండనుంది. ఇందులో ఆక్టాకోర్ మీడియాటెక్ హీలియో జీ95 ప్రాసెసర్‌ను రియల్ మీ అందించింది. దీంతోపాటు వెనకవైపు నాలుగు కెమెరాలు, 5000 ఎంఏహెచ్ బ్యాటరీ కూడా ఇందులో ఉన్నాయి.

ఇందులో రెండు వేరియంట్లు ఉన్నాయి. వీటిలో 6 జీబీ ర్యామ్ + 64 జీబీ స్టోరేజ్ వేరియంట్ ధర రూ.14,999గా నిర్ణయించారు. 8 జీబీ ర్యామ్ + 128 జీబీ స్టోరేజ్ వేరియంట్ ధర రూ.16,999గా ఉంది. మిస్ట్ బ్లూ, మిస్ట్ వైట్ రంగుల్లో ఈ ఫోన్ కొనుగోలు చేసే అవకాశం ఉంది.

ఇందులో 6.5 అంగుళాల ఫుల్ హెచ్ డీ+ డిస్ ప్లేను రియల్ మీ అందించింది. దీని డిస్ ప్లే యాస్పెక్ట్ రేషియో 20:9గా ఉండగా, స్క్రీన్ టు బాడీ రేషియో 90.5 శాతంగా ఉంది. ఆక్టాకోర్ మీడియాటెక్ హీలియో జీ95 ప్రాసెసర్ పై రియల్ మీ 7 పనిచేయనుంది. 8 జీబీ వరకు ర్యామ్, 128 జీబీ వరకు స్టోరేజ్‌ను ఇందులో అందించారు. మైక్రో ఎస్ డీ కార్డు ద్వారా స్టోరేజ్ ను ఇంకా పెంచుకునే అవకాశం ఉంది.

ఇందులో వెనకవైపు నాలుగు కెమెరాలు ఉన్నాయి. వీటిలో ప్రధాన కెమెరాగా 64 మెగా పిక్సెల్ సామర్థ్యమున్న సోనీ ఐఎంఎక్స్682 సెన్సార్ ను అందించారు. 8 మెగా పిక్సెల్ అల్ట్రా వైడ్ యాంగిల్ లెన్స్, 2 మెగా పిక్సెల్ మోనోక్రోమ్ సెన్సార్, 2 మెగా పిక్సెల్ క్వార్టెనరీ సెన్సార్ లను కూడా ఇందులో రియల్ మీ అందించింది. సెల్ఫీల కోసం ముందువైపు 16 మెగా పిక్సెల్ కెమెరా అందుబాటులో ఉంది.

ఆండ్రాయిడ్ 10 ఆధారిత రియల్ మీ యూఐ ఆపరేటింగ్ సిస్టంపై రియల్ మీ 7 పనిచేయనుంది. 4జీ వోల్టే, వైఫై, బ్లూటూత్ వీ5.0, జీపీఎస్/ఏ-జీపీఎస్ యూఎస్ బీ టైప్-సీ పోర్టు వంటి ఫీచర్లు కూడా ఇందులో ఉన్నాయి. దీని బ్యాటరీ సామర్థ్యం 5000 ఎంఏహెచ్ గా ఉంది. 30W ఫాస్ట్ చార్జింగ్ ను ఇది సపోర్ట్ చేయనుంది. ఈ స్మార్ట్ ఫోన్ మందం 0.94 సెంటీమీటర్లుగానూ, బరువు 196.5 గ్రాములుగానూ ఉంది.

LEAVE A REPLY

Please enter your comment!
Please enter your name here