IPL 2020: మిడ్ సీజన్ ట్రాన్స్‌ఫర్... గేల్, రహానే సహా వీళ్లంతా ఫ్రాంచైజీలు మారొచ్చు!
IPL 2020: మిడ్ సీజన్ ట్రాన్స్‌ఫర్... గేల్, రహానే సహా వీళ్లంతా ఫ్రాంచైజీలు మారొచ్చు!

ఐపీఎల్ 2020 సీజన్ సగం పూర్తి కావొస్తోంది. కానీ ఇప్పటికీ.. గేల్, రహానే లాంటి స్టార్ ప్లేయర్లకు తుది జట్లలో చోటు దక్కలేదు. టోర్నీ కీలక దశకు చేరుతున్న ఈ సమయంలో ఫ్రాంచైజీలు ఆటగాళ్లను బదిలీ చేసుకునే అవకాశం ఉంది. ఓ ఫ్రాంచైజీ తరఫున ఆడేందుకు అవకాశం రాని ఆటగాళ్లు మరో కొత్త ఫ్రాంచైజీ తరఫున బరిలో దిగడానికి ‘మిడ్ సీజన్ ట్రాన్స్‌ఫర్ విండో’ ఉపకరిస్తుంది. గాయపడిన ఆటగాళ్ల స్థానంలో ఫ్రాంచైజీలు కొత్త ఆటగాళ్లను తీసుకొని సత్తా చాటే అవకాశాన్ని ఈ మిడ్ సీజన్ ట్రాన్స్‌ఫర్ విండో కల్పిస్తుంది.

2018లో బీసీసీఐ తొలిసారిగా మిడ్ విండో ట్రాన్స్‌ఫర్‌ను ప్రవేశపెట్టింది. కానీ ఇప్పటి వరకూ ఈ వెసులుబాటును ఒక్క జట్టు కూడా వాడుకోలేదు. ఈ సీజన్లో తొలిసారిగా ఐపీఎల్ గవర్నింగ్ బాడీ.. క్యాప్డ్ ప్లేయర్లను సైతం ఫ్రాంచైజీలు బదిలీ చేసుకునే అవకాశం కల్పిస్తోంది.

సగం సీజన్ ముగిసినా రెండు కంటే ఎక్కువ మ్యాచ్‌లు ఆడే అవకాశం రాని ఆటగాళ్లలే మిడ్ సీజన్ ట్రాన్స్‌ఫర్‌కు అర్హులు. ఒక్కో జట్టు ఏడు మ్యాచ్‌లు ఆడిన తర్వాత ఈ బదిలీ నిబంధనలు అమల్లోకి వస్తాయి. ఈ సీజన్లో క్రిస్ గేల్, రహానే, క్రిస్ లిన్, కౌల్టర్ నైల్, ఇమ్రాన్ తాహిర్, క్రిస్ మోరిస్ లాంటి అంతర్జాతీయ స్థాయి ఆటగాళ్లు మిడ్ సీజన్ ట్రాన్స్‌ఫర్‌కు అర్హులు. కానీ రహనేను వదులుకోవడానికి సుముఖంగా లేమని ఢిల్లీ క్యాపిటల్స్ ఇప్పటికే స్పష్టం చేసింది. చెన్నై సూపర్ కింగ్స్ కావాలనుకుంటే.. రైనా స్థానంలో సన్‌రైజర్స్‌కు చెందిన విరాట్ సింగ్ లాంటి యువ హిట్టర్లను తీసుకునే వీలుంది.

సన్‌రైజర్స్ హైదరాబాద్:

శ్రీవాత్స్ గోస్వామి, సిద్ధార్థ్ కౌల్, వృద్ధిమాన్ సాహా, విజయ్ శంకర్, విరాట్ సింగ్, బవనక సందీప్, ఫాబియెన్ అలెన్, సంజయ్ యాదవ్, బెసిల్ థంపీ, బిల్లీ స్టాన్లేక్, మహ్మద్ నబీ, షాబాజ్ నదీమ్.

ముంబై ఇండియన్స్:
ఆదిత్య తారే, అనుకుల్ రాయ్, మిచెల్ మెక్‌క్లెగాన్, క్రిస్ లిన్, నాథన్ కౌల్టర్ నైల్, సౌరభ్ తివారీ, మోహ్సిన్ కాన్, దిగ్విజయ్ దేశ్‌ముఖ్, ప్రిన్స్ బల్వంత్ రాయ్, ధవళ్ కులకర్ణి, జయంత్ యాదవ్, షెర్ఫాన్ రూథర్‌ఫోర్డ్, అన్మోల్ ప్రీత్ సింగ్.

చెన్నై సూపర్ కింగ్స్:
కేఎం అసిఫ్, ఇమ్రాన్ తాహిర్, నారాయణ్ జగదీషన్, మిచెల్ శాంట్నర్, మోనూ కుమార్, రుతురాజ్ గైక్వాడ్, ఆర్ సాయి కిషోర్, జోష్ హెజి‌ల్‌వుడ్.

ఢిల్లీ క్యాపిటల్స్:
అజింక్య రహానే, కీమో పాల్, సందీప్ లామిచానే, అలెక్స్ కేరీ, అవేష్ ఖాన్, హర్షల్ పటేల్, ఇషాంత్ శర్మ, లలిత్ యాదవ్, డేనియల్ సామ్స్, తుషార్ దేశ్‌పాండే, మోహిత్ శర్మ.

కింగ్స్ ఎలెవన్ పంజాబ్:
క్రిస్ గేల్, ముజీబ్ ఉర్ రెహ్మాన్, మురుగన్ అశ్విన్, దీపక్ హుడా, ఇషాన్ పోరెల్, సిమ్రాన్ సింగ్, తాజిందర్ సింగ్, అర్షదీప్ సింగ్, దర్శన్ నాల్ఖండే, క్రిష్ణప్ప గౌతమ్, హర్దస్ విల్జోయెన్, హర్‌ప్రీత్ బ్రార్, జగదీష సుచిత్.

కోల్‌కతా నైట్ రైడర్స్:
టామ్ బాంటన్, నిఖిల్ నాయక్, ప్రసిద్ క్రిష్ణ, రింకు సింగ్, సందీప్ వారియర్, సిద్దేశ్ లాడ్, క్రిస్ గ్రీన్, సిద్ధార్థ్, లాకీ ఫెర్గ్యుసన్.

రాజస్థాన్ రాయల్స్:
వరుణ్ ఆరోన్, ఒషానే థామస్, అనిరుద్ధ జోషి, ఆండ్రూ టై, ఆకాశ్ సింగ్, అనుజ్ రావత్, యశస్వి జైస్వాల్, మయాంక్ మార్కండే, అంకిత్ రాజ్‌పుత్, మనన్ వోహ్రా, శశాంక్ సింగ్, డేవిడ్ మిల్లర్.

రాయల్ ఛాలెంజర్స్ బెంగళూరు:
జోష్ ఫిలిప్, క్రిస్ మోరిస్, డేల్ స్టెయిన్, షాబాజ్ అహ్మద్, పవన్ దేశ్‌పాండే, ఆడమ్ జంపా, గురుకీరత్ మన్నన్, మొయిన్ అలీ, మహ్మద్ సిరాజ్, పార్థీవ్ పటేల్, పవన్ నేగి, ఉమేశ్ యాదవ్.

LEAVE A REPLY

Please enter your comment!
Please enter your name here