శాంసంగ్ ఎం31 ప్రైమ్ లాంచ్ అయింది.. భారీ బ్యాటరీ, అదిరిపోయే డిస్‌ప్లే.. ధర ఎంతంటే?
శాంసంగ్ ఎం31 ప్రైమ్ లాంచ్ అయింది.. భారీ బ్యాటరీ, అదిరిపోయే డిస్‌ప్లే.. ధర ఎంతంటే?

శాంసంగ్ గెలాక్సీ ఎం31 ప్రైమ్ స్మార్ట్ ఫోన్ మనదేశంలో అధికారికంగా లాంచ్ అయింది. ఈ పండగ సీజన్‌లో వినియోగదారుల కోసం ప్రత్యేకంగా అమెజాన్ భాగస్వామ్యంతో ఈ ఫోన్ రూపొందించినట్లు అమెజాన్ తెలిపింది. అమెజాన్‌కు సంబంధించిన యాప్స్ ఇందులో ముందుగానే ఇన్ స్టాల్ అయి వస్తాయి. దీంతో పాటు మూడు నెలల పాటు అమెజాన్ ప్రైమ్ మెంబర్ షిప్ కూడా లభిస్తుంది.

శాంసంగ్ గెలాక్సీ ఎం31 ప్రైమ్ ధర
ఇందులో 6 జీబీ ర్యామ్ + 64 జీబీ స్టోరేజ్ వేరియంట్ మాత్రమే అందుబాటులో ఉంది. దీని ధరను రూ.16,499గా నిర్ణయంచారు. ఓషన్ బ్లూ, స్పేస్ బ్లాక్, ఐస్ బర్గ్ బ్లూ రంగుల్లో ఈ ఫోన్ అందుబాటులో ఉంది. అమెజాన్‌లో ఈ ఫోన్ అక్టోబర్ 17వ తేదీ నుంచి సేల్‌కు రానుంది. కానీ ప్రైమ్ సభ్యులు మాత్రం ఒక్కరోజు ముందే అక్టోబర్ 16వ తేదీ నుంచే ఈ ఫోన్ కొనుగోలు చేయవచ్చు. దీంతోపాటు ప్రైమ్ సభ్యులు ఈ ఫోన్‌ను ముందే డబ్బులు చెల్లించి కొనుగోలు చేస్తే రూ.1,000 క్యాష్ బ్యాక్ లభిస్తుంది. గ్రేట్ ఇండియన్ ఫెస్టివల్‌లో హెచ్‌డీఎఫ్‌సీ బ్యాంకు కార్డు ద్వారా ఈ ఫోన్ కొనుగోలు చేస్తే 10 శాతం అదనపు డిస్కౌంట్ లభిస్తుంది.

శాంసంగ్ గెలాక్సీ ఎం31 ప్రైమ్ స్పెసిఫికేషన్లు
ఇందులో 6.4 అంగుళాల ఫుల్ హెచ్ డీ+ సూపర్ అమోఎల్ఈడీ ఇన్ ఫినిటీ-యూ డిస్ ప్లేను శాంసంగ్ అందించింది. దీని యాస్పెక్ట్ రేషియో 19.5:9గా ఉంది. అక్టాకోర్ ఎక్సినోస్ 9611 ప్రాసెసర్ పై ఈ ఫోన్ పనిచేయనుంది. 6 జీబీ ర్యామ్, 128 జీబీ వరకు స్టోరేజ్ ఇందులో అందించారు. మైక్రో ఎస్‌డీ కార్డు ద్వారా 512 జీబీ వరకు స్టోరేజ్‌ను పెంచుకునే అవకాశం ఉంది.

ఇందులో వెనకవైపు నాలుగు కెమెరాల సెటప్ ను అందించారు. వీటిలో ప్రధాన కెమెరాగా 64 మెగా పిక్సెల్ సామర్థ్యమున్న సెన్సార్ ను అందించడం విశేషం. దీంతో పాటు 8 మెగా పిక్సెల్ అల్ట్రా వైడ్ యాంగిల్ లెన్స్, 5 మెగా పిక్సెల్ డెప్త్ సెన్సార్, 5 మెగా పిక్సెల్ మాక్రో సెన్సార్ లను కూడా ఇందులో అందించారు. సెల్ఫీల కోసం ఫోన్ ముందుభాగంలో 32 మెగా పిక్సెల్ కెమెరాను అందించారు.

ఇందులో 6000 ఎంఏహెచ్ బ్యాటరీని శాంసంగ్ అందించింది. 15W ఫాస్ట్ చార్జింగ్ ఫీచర్ కూడా ఇందులో ఉంది. ఆండ్రాయిడ్ 10 ఆధారిత వన్ యూఐ 2.0 ఆపరేటింగ్ సిస్టంపై శాంసంగ్ గెలాక్సీ ఎం31 ప్రైమ్ పనిచేయనుంది. 4జీ వోల్టే, వైఫై యూఎస్ బీ టైప్-సీ, బ్లూటూత్, జీపీఎస్/ఏ-జీపీఎస్, 3.5 ఎంఎం ఆడియో జాక్ వంటి కనెక్టివిటీ ఫీచర్లు ఈ స్మార్ట్ ఫోన్‌లో ఉన్నాయి. ఫింగర్ ప్రింట్ సెన్సార్‌ను ఫోన్ వెనకవైపు అందించారు.

LEAVE A REPLY

Please enter your comment!
Please enter your name here