‘మోసగాళ్లు’లో సునీల్ శెట్టి... ఏసీపీగా డైనమిక్ లుక్‌లో అదుర్స్
‘మోసగాళ్లు’లో సునీల్ శెట్టి... ఏసీపీగా డైనమిక్ లుక్‌లో అదుర్స్

మంచు విష్ణు, రూహీ సింగ్, కాజల్ అగర్వాల్ కాంబినేషన్లో తెరకెక్కుతున్న ప్రతిష్టాత్మక సినిమా ‘మోసగాళ్లు’. యాక్షన్ థ్రిల్లర్‌గా తెరకెక్కుతున్న ఈ సినిమా తెలుగుతో పాటు తమిళం, మలయాళం, కన్నడ, హిందీ భాషల్లో విడుదల కానుంది. ప్రపంచంలోనే అతిపెద్ద ఐటీ కుంభకోణం.. ఆ నేపథ్యంలో చోటుచేసుకునే సంఘటనల ఆధారంగా ఈ సినిమాను రూపొందిస్తున్నారు. ఇందులో బాలీవుడ్ నటుడు సునీల్ శెట్టి కీలక పాత్రలో నటిస్తున్నారు.
ఏసీపీ కుమార్‌గా ఐటీ కుంభకోణానికి సంబంధించిన నిందితులను పట్టుకునే పవర్‌ఫుల్ పోలీస్ పాత్రలో సునీల్ శెట్టి కనిపించనున్నారు. ఆయన పాత్రకు సంబంధించిన టీజర్‌ను యూనిట్ శుక్రవారం విడుదల చేసింది. ఇందులో కాజల్ అగర్వాల్ ఇందులో మంచు విష్ణుకు సోదరిగా కనిపిస్తుండటం విశేషం. నవీన్ చంద్ర, నవదీప్ ప్రాధాన్య పాత్రల్లో నటిస్తున్నారు. 24 ఫిలిం ఫ్యాక్టరీ, ఏవీఏ ఎంటర్‌టైన్మెంట్స్‌ బ్యానర్‌లపై మంచు విష్ణు స్వయంగా నిర్మిస్తున్న ఈ సినిమాకు హాలీవుడ్‌ దర్శకుడు జెఫ్రీ గీ చిన్‌ దర్శకత్వం వహిస్తున్నాడు.

LEAVE A REPLY

Please enter your comment!
Please enter your name here