రూ.100కు చేరువలో పెట్రోల్.. డీజిల్ కొత్త రికార్డ్!
రూ.100కు చేరువలో పెట్రోల్.. డీజిల్ కొత్త రికార్డ్!

పెట్రోల్ ధర పరుగులు పెడుతోంది. డీజిల్ ధర కూడా ఇదే దారిలో పయనిస్తోంది. ఇప్పటికే దేశంలో పెట్రోల్, డీజిల్ ధరలు ఆల్‌టైమ్ గరిష్ట స్థాయిలకు చేరాయి. రానున్న రోజుల్లో ధర రూ.100కు చేరే ఛాన్స్ ఉందనే అంచనాలున్నాయి.
టూవీలర్ లేదా ఫోర్ వీలర్.. ఆ మాటకు వస్తే.. పెట్రోల్, డీజిల్ కొట్టించే వెహికల్ కలిగిన వారికి చుక్కలు కనిపిస్తున్నాయి. ఎందుకంటారా? పెట్రోల్, డీజిల్ ధరలు ఆకాశాన్ని తాకుతున్నాయి. కొత్త రికార్డులు క్రియేట్ చేస్తూ పైపైకి కదులుతున్నాయి.
దీంతో ఆటో డ్రైవర్లపై, సామాన్యులపై, వాహన యజమానులపై తీవ్ర ప్రతికూల ప్రతికూల ప్రభావం పడుతోంది. లీటరు పెట్రోల్ ధర ముంబైలో రూ.92 దాటేసింది. ఢిల్లీలో అయితే రూ.85.5 మార్క్‌ను దాటేసింది. ఇది ఆల్‌టైమ్ గరిష్ట స్థాయి. అమరావతిలో కూడా పెట్రోల్ ధర లీటరుకు రూ.92 చేరువలో ఉంది. దీంతో టూవీలర్ కలిగిన వారిపై తీవ్ర ప్రభావం పడుతోంది.
కేవలం పెట్రోల్ మాత్రమే కాకుండా డీజిల్ కూడా ఇదే దారిలో దూసుకువెళ్తోంది. లీటరు డీజిల్ ధర ముంబైలో రూ.82 దాటేసింది. ఢిల్లీలో అయితే రూ.75 పైకి ఎగసింది. రెండు చోట్ల ధరలు రికార్డ్ స్థాయికి చేరాయి. అమరావతిలో ధర రూ.85కు దగ్గరిలో ఉంది. దీంతో ప్రభుత్వాలు పెట్రోల్, డీజిల్‌పై పన్నులు తగ్గించాలనే డిమాండ్లు పెరిగిపోతున్నాయి.

మరోవైపు హైదరాబాద్ విషయానికి వస్తే పెట్రోల్ ధర లీటరుకు రూ.90కే చేరువలో ఉందని చెప్పుకోవచ్చు. అదే డీజిల్ ధర అయితే లీటరుకు రూ.83కు దగ్గరిలో ఉంది. ఏపీలో కన్నా హైదరాబాద్‌లో పెట్రోల్, డీజిల్ ధరలు తక్కువగా ఉండటం గమనార్హం.

LEAVE A REPLY

Please enter your comment!
Please enter your name here