Take a fresh look at your lifestyle.

Agent Vinod Pre Look: ‘ఏజెంట్ వినోద్’ ప్రి-లుక్.. ఆ నీడ ఎవరిది? – intriguing pre-look poster of agent vinod from abhishek pictures released

0 34

[ad_1]

టాలీవుడ్‌లోని ప్రముఖ డిస్ట్రిబ్యూష‌న్‌, ప్రొడ‌క్షన్ హౌస్‌ల‌లో ఒక‌టైన అభిషేక్ పిక్చర్స్ మ‌రో వైవిధ్యమైన మూవీతో వ‌స్తోంది. ‘ఏజెంట్ వినోద్’ అనే టైటిల్‌తో రూపొందే ఈ సినిమా ప్రి-లుక్‌ను గురువారం విడుద‌ల చేశారు. ఆ లుక్‌లో పుస్తకాలు, తాళాలు, లాంత‌రు, టైపింగ్ మెషీన్‌, పెన్ను, కెమెరా, గ‌డియారం, ప్రపంచ‌ ప‌టం వంటి పాత కాలం నాటి వ‌స్తువులు క‌నిపిస్తున్నాయి. వాటితో పాటు గ‌న్‌, ర‌క్తపు మ‌ర‌క‌లు, ఒక వ్యక్తి నీడ క‌నిపిస్తుండ‌టంతో ఇది ఉత్కంఠ‌భ‌రిత‌మైన క్రైమ్ థ్రిల్లర్ అని అర్థమ‌వుతోంది.

ఆ నీడ ఎవ‌రిది? ఏజెంట్ వినోద్‌దా? లేక ఎవ‌రైనా క్రిమిన‌ల్‌దా? ఈ మూవీలో టైటిల్ రోల్ పోషిస్తున్నదెవ‌రు వంటి వివరాలు తెలుసుకోవాలంటే ఫ‌స్ట్ లుక్ వ‌చ్చేవ‌ర‌కూ ఎదురు చూడాల్సిందే అంటోంది చిత్ర యూనిట్. వింటేజ్ స్పై డిటెక్టివ్ థ్రిల్లర్‌గా రూపొంద‌నున్న ‘ఏజెంట్ వినోద్‌’లో ఒక యంగ్ అండ్ టాలెంటెడ్ హీరో టైటిల్ రోల్‌లో క‌నిపించ‌నున్నారని నిర్మాణ సంస్థ వెల్లడించింది.

Also Read: రానా ప్రీ-వెడ్డింగ్: గవ్వల ఆభరణాలతో ముస్తాబైన మిహీకా.. ఎంతైనా మమ్మీ డిజైనర్ కదా!!

వీఎఫ్ఎక్స్ ఆర్టిస్ట్‌గా దాదాపు 40 హాలీవుడ్ ఫిలిమ్స్‌కు వ‌ర్క్ చేసిన న‌వీన్ మేడారం ఈ చిత్రానికి ద‌ర్శకుడు. ఇది ఆయ‌న‌కు మూడో చిత్రం. ఆయ‌న వీఎఫ్ఎక్స్ ఆర్టిస్ట్‌గా ప‌నిచేసిన వాటిలో ‘హ్యారీ పోట‌ర్‌’, ‘పైరేట్స్ ఆఫ్ ద క‌రీబియ‌న్‌’, ‘ప్రిన్స్ ఆఫ్ ప‌ర్షియా’, ‘2012’, ‘బ్యాట్‌మ్యాన్: ద డార్క్ నైట్’ వంటి బ్లాక్‌ బ‌స్టర్ హాలీవుడ్ మూవీస్ ఉన్నాయి. అభిషేక్ పిక్చర్స్ బ్యాన‌ర్‌పై అభిషేక్ నామా నిర్మిస్తున్న ఈ చిత్రానికి దేవాన్ష్ నామా, ర‌వి పుట్టా స‌మ‌ర్పకులుగా వ్యవ‌హ‌రిస్తున్నారు. హ‌ర్షవ‌ర్థన్ రామేశ్వర్ మ్యూజిక్ డైరెక్టర్‌గా, జ‌గ‌దీష్ చీక‌టి సినిమాటోగ్రాఫ‌ర్‌గా ప‌నిచేస్తున్నారు. అన్వర్ అలీ ఎడిటర్.

Leave A Reply

Your email address will not be published.


Notice: ob_end_flush(): failed to send buffer of zlib output compression (0) in /home/realher1/public_html/wp-includes/functions.php on line 4669