Take a fresh look at your lifestyle.

ananya pandey: ‘సర్కారు వారి పాట’లో విజయ్ దేవరకొండ హీరోయిన్!! – ananya pandey as second lead in mahesh babu’s sarkaru vaari paata

0 11

[ad_1]

అనన్య పాండే.. ఈ బాలీవుడ్ బ్యూటీ పేరు నిన్న మొన్నటి వరకు సౌత్‌లో చాలా మందికి తెలీదు. కానీ, విజయ్ దేవరకొండ సరసన నటిస్తుంది అని తెలియగానే ఆమె గురించి తెలుసుకోవడానికి ప్రయత్నించారు. పూరి జగన్నాథ్ దర్శకత్వంలో విజయ్ దేవరకొండ చేస్తోన్న పాన్ ఇండియా మూవీలో అనన్య పాండేను హీరోయిన్‌గా తీసుకున్నారు. ముంబైలోని సెట్స్‌ నుంచి విడుదలైన వర్కింగ్ స్టిల్స్ ఇప్పటికే సోషల్ మీడియాలో వైరల్ అయ్యాయి. అనన్య అందాలను ఆస్వాదించడానికి విజయ్ దేవరకొండ ఫ్యాన్స్ ఆసక్తిగా ఎదరుచూస్తున్నారు.

ఇదిలా ఉంటే, ఈ బ్యూటీకి టాలీవుడ్‌ నుంచి మరో ఆఫర్ వచ్చిందని అంటున్నాయి ఇండస్ట్రీ వర్గాలు. పరశురామ్ దర్శకత్వంలో సూపర్ స్టార్ మహేష్ బాబు హీరోగా తెరకెక్కనున్న ‘సర్కారు వారి పాట’ సినిమాలో ఒక హీరోయిన్‌ పాత్ర కోసం అనన్య పాండేను సంప్రదిస్తున్నారని వార్తలు వస్తున్నాయి. ఇప్పటికే మహేష్ సరసన మెయిన్ హీరోయిన్‌గా కీర్తి సురేష్‌ను ఓకే చేశారు దర్శకుడు పరశురామ్. అయితే, రెండో హీరోయిన్ పాత్ర కోసం అనన్యను సంప్రదిస్తున్నారట. మరి ఈ బాలీవుడ్ బ్యూటీ సెకండ్ హీరోయిన్‌గా చేయడానికి అంగీకరిస్తారో లేదో చూడాలని అంటున్నారు.

Ananya Pandey

అనన్య పాండే

కాగా, ఈ సినిమాలో విలన్ పాత్రకు కూడా సౌత్‌లోని ప్రముఖ నటుడిని తీసుకోబోతున్నారని గత కొద్ది కాలంగా వదంతులు వినిపిస్తున్నాయి. తమిళ నటుడు అరవింద్ స్వామి, కన్నడ హీరో కిచ్చా సుదీప్ పేర్లను పరిశీలిస్తున్నారని అన్నారు. కానీ, దీనికి సంబంధించి ఇప్పటి వరకు ఎలాంటి అధికారిక ప్రకటన రాలేదు. ఈ సినిమాకు సంబంధించి కేవలం టైటిల్ పోస్టర్‌ను మాత్రమే విడుదల చేశారు. నట శేఖర కృష్ణ పుట్టినరోజు సందర్భంగా విడుదల చేసిన ఈ పోస్టర్‌కు విశేష స్పందన వచ్చింది.

Also Read: విశ్వాసం లేని కుక్క.. వీడియో వదిలిన నాగబాబు

ఈ సినిమాను మైత్రీ మూవీ మేకర్స్, 14 రీల్స్ ప్లస్, జి.మహేష్ బాబు ఎంటర్‌టైన్మెంట్ బ్యానర్లపై నవీన్ యెర్నేని, వై.రవిశంకర్, రామ్ ఆచంట, గోపి ఆచంట సంయుక్తంగా నిర్మిస్తున్నారు. ఎస్.థమన్ సంగీతం సమకూరుస్తున్నారు. జి.ఎస్.వినోద్ సినిమాటోగ్రఫీ అందిస్తున్నారు. మార్తాండ్ కె. వెంకటేష్ ఎడిటర్. ఎ.ఎస్.ప్రకాష్ ఆర్ట్ డైరెక్టర్. సెప్టెంబర్ నుంచి ఈ చిత్రం సెట్స్‌పైకి వెళ్లనుందని భావిస్తున్నారు.

Leave A Reply

Your email address will not be published.


Notice: ob_end_flush(): failed to send buffer of zlib output compression (0) in /home/realher1/public_html/wp-includes/functions.php on line 4669