Take a fresh look at your lifestyle.

Nani’s Tuck Jagadish: ‘టక్ జగదీష్’ అప్‌డేట్: నానికి మరో వింత డిజార్డర్! – interesting update from nani’s tuck jagadish movie

0 12

[ad_1]

నేచురల్ స్టార్ నాని ఎంపిక చేసుకునే పాత్రలో కాస్త వైవిధ్యం ఉంటుంది. రెగ్యులర్‌గా కాకుండా కాస్త కొత్తదనం చూపించే ప్రయత్నం చేస్తుంటారు నాని. ఇప్పటికే ఆయన బోలెడన్ని ప్రయోగాలు చేశారు. ‘భలే భలే మగాడివోయ్’ సినిమాలో తీవ్రమైన మతిమరుపు వ్యాధితో బాధపడే కుర్రాడిగా నాని కనిపించారు. ఇప్పుడు ఆయన మరో వింత డిజార్డర్‌తో ప్రేక్షకుల ముందుకు రాబోతున్నారని టాక్.

నాని ప్రస్తుతం ‘టక్ జగదీష్’ సినిమాలో నటిస్తోన్న సంగతి తెలిసిందే. ‘నిన్ను కోరి’, ‘మజిలీ’ చిత్రాల ద్వారా మంచి గుర్తింపు తెచ్చుకున్న శివ నిర్వాణ.. ‘టక్ జగదీష్’ చిత్రానికి దర్శకత్వం వహిస్తున్నారు. నాని సరసన ‘పెళ్ళి చూపులు’ ఫేమ్ రీతూ వర్మ హీరోయిన్‌గా కనిపించనున్నారు. కరోనా మహమ్మారి కారణంగా ఈ సినిమా షూటింగ్ తాత్కాలికంగా ఆగిపోయింది. మళ్లీ సాధారణ పరిస్థితులు రాగానే షూటింగ్ తిరిగి ప్రారంభమవుతుంది.

Also Read: మహేష్ బాబును లెజెండ్ అన్న డేవిడ్ వార్నర్.. ‘మైండ్ బ్లాక్’ బర్త్‌డే విషెస్

ఇదిలా ఉంటే, ఈ సినిమాలో నాని పాత్రకు సంబంధించి ఆసక్తికర అప్‌డేట్ ఒకటి బయటికి వచ్చింది. ఈ సినిమాలో నాని ఒక వింత డిజార్డర్‌తో బాధపడుతూ ఉంటారట. ఇప్పటి వరకు ఆయన చేసిన పాత్రలకు పూర్తి భిన్నంగా ఉంటుందని అంటున్నారు. బైపోలార్ డిజార్డర్ అనే వింత జబ్బు నానికి ఉంటుందట. సంతోషం వస్తే ఎక్కువ ఎక్సయిట్‌మెంట్‌కి లోనవటం, అలాగే బాధొచ్చినపుడు డిప్రెషన్‌కి గురికావడం ఈ జబ్బు లక్షణాలు.

‘భలే భలే మగాడివోయ్’ చిత్రంలో మతిమరుపుతో హిట్ అందుకున్నారు నాని. ఇప్పుడు ఈ బైపోలార్ డిజార్డర్‌తో కూడా హిట్ అందుకోవడం ఖాయం అంటున్నాయి ఇండస్ట్రీ వర్గాలు. అయితే, ప్రస్తుతానికి ఇది రూమర్ మాత్రమే. దీనిలో నిజమెంతో తెలీదు. ఈ చిత్రానికి తమన్ సంగీతం సమకూరుస్తున్నారు. షైన్ స్రీన్స్ పతాకంపై సాహు గారపాటి, హరీష్ పెద్ది సంయుక్తంగా ఈ చిత్రాన్ని నిర్మిస్తున్నారు.

Leave A Reply

Your email address will not be published.


Notice: ob_end_flush(): failed to send buffer of zlib output compression (0) in /home/realher1/public_html/wp-includes/functions.php on line 4669