Take a fresh look at your lifestyle.

రూ. 2 కోట్లకు కిడ్నీ అమ్మేందుకు డీల్.. చివరికి రూ. 17 లక్షలు పోగొట్టుకుని..!

0 4

అప్పుల బాధను తట్టుకోలేక చెరొక కిడ్నీ అమ్ముకునేందుకు భార్యాభర్తలు నిర్ణయించుకున్నారు. చెరొక కిడ్నీని అమ్మేసి అప్పుల ఊబి నుంచి బయటపడాలనుకున్నారు. కానీ, చివరికి ఆన్‌లైన్ కేటుగాళ్ల చేతిలో నిండా మోసపోయారు. అసలే పీకల్లోతు కష్టాల్లో ఉన్న వీరి నుంచి ఆన్‌లైన్ నేరగాళ్లు రూ. 16.61 లక్షలు కొట్టేశారు. విజయవాడ సమీపంలోని పెనమలూరులో ఈ ఘటన జరిగింది.పోలీసులు తెలిపిన వివరాల ప్రకారం.. కృష్ణా జిల్లా యనమలకుదురుకు చెందిన భార్గవి, సత్యనారాయణ భార్యాభర్తలు. పటమట ప్రాంతంలో మెడికల్ షాపు నడుపుకుంటూ జీవనం సాగిస్తున్నారు. కొందరు వ్యక్తులతో కలిసి ఈ వ్యాపారం చేస్తున్నారు. అయితే భాగస్వాములతో గొడవల కారణంగా నష్టాల్లో మునిగిపోయారు. ఎన్ని ప్రయత్నాలు చేసినా అప్పులు మాత్రం తీరడం లేదు.
ఈ క్రమంలో అప్పుల నుంచి బయటపడేదుకు చెరో కిడ్నీ అమ్ముకోవాలని భార్యాభర్తలిద్దరూ నిర్ణయించుకున్నారు. ఆన్‌లైన్ వేదికగా చోప్రా సింగ్ అనే వ్యక్తిని సంప్రదించారు. ఒక్కో కిడ్నీకి రూ.2 కోట్లు ఇస్తామని నమ్మబలికాడు. ప్రాసెసింగ్ ఫీజు కోసం రూ.16.61 లక్షలు ఖర్చవుతుందని.. ఆ డబ్బులు కడితే డీల్ పూర్తయిన తర్వాత రీఫండ్ చేస్తామని చెప్పారు. మోసాన్ని గ్రహించలేకపోయిన భార్గవి దంపతులు వారు చెప్పినట్లుగానే డబ్బులు జమచేశారు. అలా పలు లావాదేవీల ద్వారా దాదాపు రూ. 17 లక్షలు జమచేశారు. వీరికి డబ్బు కట్టడం కోసం బ్యాంకుల నుంచి లోన్ కూడా తీసుకున్నారు.

ఆ తర్వాత కిడ్నీ ఇచ్చేందుకు సిద్ధంగా ఉన్నామని, ఎప్పుడు రావాలో చెప్పాలని అడిగితే.. మరో రూ.5 లక్షలు జమచేయాలని చెప్పారు. అనుమానం వచ్చిన దంపతులు బ్యాంకును సంప్రదించగా.. నకిలీ అని తేలింది. తాము మోసపోయామని గ్రహించిన దంతపతులు పోలీసులను ఆశ్రయించారు. దీనిపై కేసు నమోదు చేసుకున్న పోలీసులు దర్యాప్తు ప్రారంభించారు.

Leave A Reply

Your email address will not be published.


Notice: ob_end_flush(): failed to send buffer of zlib output compression (0) in /home/realher1/public_html/wp-includes/functions.php on line 4669